Ghir ghir aaye badal kaale - dhriti

Ghir ghir aaye badal kaale
Sooraj par jun laage grahn sa
Andhiyaare ki chaadar dale
Din ab mohe laage rain sa


Badal sang ka lade bijuriya
Chale pavan bhi bauraayee si
Le le jaave mori chunariya
Pagali, tu kaahe ko itraayee si?


Chalkat jaave rang gagariya
Dharti ki ab sobhha nikhari
Ban kar aayee hai badaryia
Jo man se kabhi ik aah nikali


Jab tej bahut girtin hain boonden
Kaanton si chubtin hain tan ko
Naino me ye sapne goondhen
Aur choo letin hain seedhe man ko


Chip jaayen paani me aansoo
Aur kasak sab mere man ki
Bhanak na lagne paaye jagat ko
Ab kuch is diwaanepan ki